Sláturfélag Vopnfirðinga hefur kynnt að það greiði innleggjendum sínum 2,8% uppbót á innlegg síðasta árs eins og flestir aðrir sláturleyfishafar.

Aðeins SAH og Fjallalamb hafa ekki tilkynnt um neinar aukagreiðslur.

Sláturfélag Suðurlands, Kaupfélag Skagfirðinga, Norðlenska og sláturhús KVH hafa öll tilkynnt um uppbótargreiðslur vegna innleggs síðasta árs eins og fram hefur komið.  Ekki hefur heyrst um hvort SAH, Fjallalamb eða Sláturfélag Vopnfirðinga muni greiða sambærilegar greiðslur.

Með ofangreindum aukagreiðslum er vegið meðalverð á lambakjöti til bænda 2012 orðið tæpar 539 kr/kg. Það er 10 krónum hærra en áður en þær komu til.  Heildarhækkun frá árinu 2011 er þá um 36 kr/kg eða rúm 7%.  Landssamtök sauðfjárbænda fóru fram á að verðið yrði 550 kr/kg þegar viðmiðunarverð var gefið út í fyrra.

Verð fyrir annað kindakjöt er með sama hætti orðið 252 kr/kg sem er hækkun um 3 kr/kg á milli ára eða rúmlega 1%.

Sveitarstjórn Húnaþings vestra mótmælir harðlega þeirri ákvörðun að engum fjármunum verði varið til viðhalds sauðfjárveikivarnargirðinga á landinu á þessu ári. Það er álit sveitarstjórnar að með þessari ráðstöfun sé áratuga starfi tengt vörnum við útbreiðslu búfjársjúkdóma stefnt í mikla tvísýnu sem kunni að hafa ófyrirsjáanlegar og kostnaðarsamar afleiðingar í för með sér.

Þetta kemur kemur fram í fundargerð sveitarstjórnarfundar Húnaþings vestra frá 14. mars síðastliðinn. Þar segir einnig að verði ákvörðun þessari ekki breytt og fjármunir til viðhalds girðinganna tryggðir nú þegar af hlutaðeigandi stjórnvöldum sé lífsafkomu bænda ógnað vegna hættu á útbreiðslu alvarlegra búfjársjúkdóma og sé ábyrgð þeirra sem í hlut eigi því mikil.

Sjá hér.  Sjá einnig ályktun Búnaðarþings 2013 um málið.